Real Madridi ka arritur të bind David Alaban që në fund të këtij edicioni të kalojë si lojtarë i lirë në radhët e tyre, raporton ABC.
Mbrojtësi austriak do të largohet nga Bayern Munichu me fillim të muajit korrik, pasi edhe atëherë i skadon kontrata.
Alaba bëri të ditur në fillim të këtij viti se do të largohet nga Bavarezët, derisa disa skuadra janë vënë pas tij.
Raportohet se edhe Barcelona nuk qëndron larg transferimit të tij, mirëpo Los Blancos duket se kanë vepruar më shpejtë.
Alaba do të fitojë një bonuse pre 19.7 milionë euro për kalimin e tij te madrilenët, me një pagë mbi nëntë milionë në sezon.
Austriaku kishte kërkuar pagë të lartë te kampioni i Bundesligës, mirëpo kërkesa ishte hedhur poshtë dhe klubi i kishte kërkuar vazhdim të kontratës pa rritje page. /Telegrafi/