Juventus ka arritur marrëveshje në parim me Romën për të transferuar Nicolo Zaniolon në këtë afat kalimtar, raporton Goal.com.
22-vjeçari i talentuar është prej disa kohësh në radarin e Zonjës së Vjetër, por vetëm tani është zyrtarizuar ky interes.
Diskutimet fillestare janë zhvilluar mes rivalëve të Serisë A, me Bianconerët të gatshëm të shtojnë përpjekjet e tyre për të joshur Zaniolon larg kryeqytetit italian.
Kuptohet se Roma e vlerëson Zaniolo në rreth 50 milionë euro. Ata e panë atë të shënonte golin e fitores në triumfin e tyre final të Ligës së Konferencës ndaj Feyenoordit sezonin e kaluar dhe nuk do të ndahen me një nga asetet e tyre të çmuara për më pak se vlera e tij e plotë në treg.
Kjo mund të jetë një pengesë për Juventusin, por ata kanë një ide se si ta transferojnë lojtarin.
Mesfushori brazilian, Arthur Melo, mund të përdoret si bonus në çdo lëvizje për Zaniolon, teksa Bianconerët kërkojnë të zbusin shumën që kërkojnë Giallorossët. /Telegrafi/