Roma thuhet se ka përfunduar marrëveshjen e tyre me Paris Saint-Germain sot (e enjte) dhe do të nënshkruajë me Javier Pastore për 20 milionë euro plus katër milionë tjera bonuse.
Sipas mediumit italian Sky Sport Italia dhe burimeve të tjera, detajet e operacionit kanë përpunuar këtë mbrëmje.
Ai pritet të nënshtrohet testeve mjekësore në klinikën Villa Stuart në Romë, ose nesër ose të shtunën gjatë ditës.
Reprezentuesi argjentinas është zëvendësimi për Radja Nainggolan, i cili do të shkojë në Interi për para 24 milionë euro, plus shërbimet e Davide Santon dhe lojtarit të ri, Nicolo Zaniolo.
Ky është një kthim në Serie A për Pastoren, i cili bëri hapat e parë të karrierës së tij prej profesionisti në Palermo.
Ai u shit në Paris Saint-Germain për 42 milionë euro në verën e vitit 2011.
Pastore sapo ka mbushur 29 vjet dhe kontrata e tij në Parc des Princes do të përfundonte në qershor 2019.
Argjentinasi mund t’i luaj disa pozita në pjesën sulmuese, por natyralja është ajo e mesfushorit kreativ i njohur në Itali si ‘trequarista’. /Telegrafi/