Më në fund Barcelona ka arritur marrëveshje me Leeds United për transferimin e sulmuesit brazilian Raphinha.
Katalunasit prej kohësh e kanë kërkuar brazilianin, por pa arritur të gjenin një marrëveshje me klubin anglez për transferimin e tij në Camp Nou.
Chelsea dhe Arsenal gjithashtu ishin fuqishëm në garë, por dëshira e futbollistit dhe agjentit të tij Deco ishin vetëm Barcelona.
Tani mediat e ndryshme në Angli dhe Spanjë kanë raportuar se Barcelona dhe Leeds kanë arritur tanimë marrëveshje për transferimin e Raphinhas në Camp Nou për shumën e 60 milionë eurove.
25-vjeçari ka pasur një sezon fantastik në Ligën Premier ku realizoi 11 gola dhe dhuroi tre asistime në 35 ndeshje zyrtare.
🚨 Barcelona and Leeds are close to reaching an agreement for the €60m transfer of Raphinha.
(Source: @gerardromero) pic.twitter.com/ruMWK5DQft
— Transfer News Live (@DeadlineDayLive) July 1, 2022
Futbollisti tanimë ka një marrëveshje personale me katalunasit dhe vetëm pritet që të arrihen disa detaje të tjera para zyrtarizimit të këtij transferimi. /Telegrafi/