Policia e Kosovës ka bërë të ditur se ka arrestuar një person në Pejë pasi i njëjti kishte kultivuar disa bimë narkotike të llojit kanabis në oborrin e shtëpisë së tij.
Rasti ka ndodhur të martën rreth orës 11:30 në rrugën “Agush Gjoci” në Pejë.
Policia njofton se gjatë kontrollit të shtëpisë i janë gjetur dhe konfiskuar 113.4 gram substancë e dyshuar narkotike e llojit marihuanë.
Me urdhër të prokurorit i dyshuari është dërguar 48 orë në qendrën e mbajtjes. /Telegrafi/