Polica e Kosovës ka arrestuar një person në Stacionin e Autobusëve në Prishtinë.
Policia e ka konfirmuar ketë rast, duke thënë se personi i arrestuar u ka kërkuar para personave për t’i dërguar në Evropë.
“Ju konfirmoj se rreth orës 21:00, afër stacionit të autobusëve në Prishtinë bazuar në informacione të pranuara dyshohet se një person ka kontaktuar persona të ndryshëm duke iu kërkuar shuma të ndryshme parash për t’i transportuar për në Serbi dhe jashtë Serbisë për në Evropë. Policia e Kosovës ka ndërmarr veprime të menjëhershme dhe në atë lokacion ka identifikuar dhe shoqëruar për intervistim në stacion policor një të dyshuar mashkull serb”, ka thënë për Express Daut Hoxha, zyrtar për informon në Policinë e Kosovës.
Ai ka treguar se do të ndërmerr te gjitha veprimet e nevojshme ligjore në konsultim dhe koordinim me prokurorin kompetent.