Një person është arrestuar pasi i njëjti mëngjesin e së hënës, ka sulmuar një zyrtarë të Gjykatës Themelore të Prishtinës.
Policia ka njoftuar se fjala është për sulm ndaj një referenti të kësaj Gjykate, i cili ishte në vendin e tij të punës.
Me vendim të prokurorit, i dyshuari është dërguar në mbajtje.
“Gjykata Themelore Hajvali, Prishtinë 26.04.2021 – 08:55. Është arrestuar i dyshuari mashkull kosovar, pasi që ka sulmuar zyrtarin e gjykatës (referent), viktimën mashkull kosovar, në vendin e tij të punës. Me vendim të prokurorit, i dyshuari është dërguar në mbajtje”, thuhet në raport. /Telegrafi/