Telegrafi

Arrestohet një person në Gjilan pasi iu gjet armë pa leje

Një person është arrestuar këtë të mërkurën në Gjilan, pasi dyshohet për armëmbajtje pa leje.

Gjatë kontrollit në shtëpinë dhe objektet përcjellëse të të dyshuarit me inicialet V.A., janë gjetur dhe konfiskuar një revole e kalibrit 9 mm. së bashku me një karikator dhe pesë fishekë si dëshmi për Gjykatën.

“I dyshuari është arrestuar dhe shoqëruar në Stacionin Policor Gjilan ku është intervistuar në bazë të procedurave ligjore”, thuhet në komunikatën për media të policisë.

Në lidhje me rastin është njoftuar Prokurori i Shtetit, i cili ka urdhëruar që ndaj të dyshuarit të ngritët kallëzim penal për veprat penale “Mbajtje në pronësi, kontroll ose posedim të paautorizuar të armëve” dhe rasti të procedohet në procedurë të rregullt në Prokurorinë Themelore. /Telegrafi/