Policia e Kosovës në rajonin e Ferizajt sot rreth orës 09:30 mbi bazën e disa informacioneve që ka pranuar nga qytetarët, nën autorizim të Prokurorisë Themelore dhe me aprovim të Gjykatës Themelore në Ferizaj , ka kryer një kontroll të një shtëpie dhe objekteve përcjellëse në fshatin Greme të kësaj komune.
“Gjatë kontrollit në shtëpinë e të dyshuarit me inicialet F.T ( M/K) i moshës 29 vjeçar, policia ka gjetur : një armë zjarri ( pistoletë), një karikator me 9 fishkë, 2 USB , 1 hard disc, 5 pasaporta me emra të ndryshëm dhe dokumentet tjera të cilat më pas, si prova materiale janë konfiskuar”, thuhet në njoftim.
Policia, të dyshuarin e ka shoqëruar në stacionin policor në Ferizaj dhe pasi është intervistuar nga hetuesit rajonal, me vendim të Prokurorit të Prokurorisë Themelore në Ferizaj, është ndaluar në mbajtje për 48 orë.
Ndaj tij është iniciuar rasti penal ‘’Mbajtje në pronësi, kontroll ose posedim të paautorizuar i armëve dhe ‘’Falsifikim i dokumentit ’ për procedura të mëtejme hetimore, me dyshimin e përfshirjes në veprën penale të falsifikimit të domumenteve. /Telegrafi/