Policia e Kosovës ka arrestuar një person në Ferizaj, pasi që gjatë kontrollimit të veturës së tij janë gjetur substanca narkotike të llojit kokainë.
Po ashtu, Policia njofton se gjatë kontrollimit ka gjetur edhe një thikë të vogël e disa para.
“Gjatë kontrollit të veturës dhe personit të dyshuar mashkull kosovar, në një çantë dore janë gjetur katër qese najloni me substancë pluhur të bardhë të dyshuar për narkotik të llojit kokainë me peshë 2 gram, dy qese të zbrazëta, një thikë e vogël, para 760 euro, 100 franga zvicerane, 100 denar të Maqedonisë së Veriut dhe 10 dinar të Serbisë si dhe disa tableta vitaminë”, thuhet në raportin e Policisë së Kosovës.
Policia njofton se nga i dyshuari është sekuestruar një telefon edhe një veturë.
Pas intervistimit, me vendim të prokurorit kujdestar, te dyshuarit i është caktuar masa e ndalimit policor për 48 orë. /Telegrafi/