Policia e Gjilanit njofton se është arrestuar i dyshuari i cili dyshohet se ka vjedhur para në xhaminë e Fshatit Malixhevë-Gjilan.
Sipas Policisë i njëjti dyshohet se ka kryer disa vjedhje edhe në Gjami të tjera në Gjilan.
“Me datën 11 korrik 2019 rreth orës 16.00 pas informatave të pranuara përmes rrugëve operative është arrestuar i dyshuari i shqiptar shtetas i kosovës. Ai dyshohet se me 30 qershor 2019 duke dashur që t’i sjell vetës përfitime pasurore, me forcë ka depërtuar në xhamin e fshatit Malishevë dhe Gjilan, dhe nga aty dyshohet se ka vjedhur një sasi të pareve.
Po ashtu gjatë intervistimit janë gjetur prova të qëndrushme edhe për tri raste tjera të “Vjedhjeve të Rënda”, si në xhamin e fshatit Kmetovc si dhe në dy xhamitë në rrugën “Adem Jashari” dhe “Zija Shemsiu” në Gjilan. Pra dyshohet se i njëjti në të gjitha xhamitë ka vjedhur sasi të parave në vlera të ndryshme”, thuhet në njoftim.
Sipas policisë i dyshuari është intervistuar në prezencë të avokatit mbrojtës dhe i njëjti ndalohet për 48 orë dhe se rastet procedohen veç e veç në Prokurorinë Themelore./Telegrafi/