Një 22-vjeçar është arrestuar mëngjesin e së enjtes në Ferizaj, pasi te i njëjti policia ka gjetur tri qese me substancë narkotike, të dyshuara me marihuanë.
Sipas njoftimit, policët e stacionit në Ferizaj rreth orës 05:15 në rrugën “Hysen Tërpeza” në Ferizaj, gjatë patrullimit kanë ndaluar një automjet Shkoda me targa vendore.
“Gjatë legjitimimit dhe kontrollimit të personave, shoferit dhe dy pasagjerëve, tek njëri pasagjer D.E (M/K) i moshës 22 janë gjetur tri qese me substancë narkotike, të dyshuara me marihuana”, thuhet në komunikatën për media.
I dyshuari D.E është arrestuar dhe shoqëruar në stacionin e policisë në Ferizaj. Pas intervistimit nga policët hetues, me vendim të prokurorit kujdestar nga Prokuroria Themelore në Ferizaj, i njëjti është liruar për procedurë të rregullt hetimore, ndërsa rasti është cilësuar “Posedim i paautorizuar i substancave narkotike psikotrope ose analoge”. /Telegrafi/