Një 16-vjeçare ishte raportuar e zhdukur javë me parë.
Policia të shtunën ka arrestuar një 21-vjeçar, si i dyshuar kryesor në këtë rast.
Ai dyshohet se ka dhunuar të miturën në një motel në Fushë Kosovë.
Ndërkaq, bëhet e ditur se nesër ( e hënë) do të mbahet seanca për caktimin e masës së paraburgimit.
Prokuroria nuk ka dhënë më shumë detaje, pasi thotë se rasti ende është duke u hetuar.
Duhet theksuar se vetëm në periudhën janar-tetor të këtij viti, në Policinë e Kosovës janë raportuar 73 raste të ngacmimit seksual dhe 49 raste të sulmit seksual.
Sipas organizatave joqeveritare, numri më i madh i viktimave janë vajza të moshës 13 deri në 16 vjeç./Telegrafi/