Një incident i dhunshëm ka ndodhur të dielën në rrugën “Fatmir Kerqeli”, ku tre meshkuj kosovarë dyshohet se kanë sulmuar fizikisht dy viktima me mjete të forta.
Në njoftim për media, policia ka bërë të ditur se ka arrestuar tre persona.
“Policët e rendit menjëherë janë nisur në atë drejtim dhe kanë arritur të arrestojnë tre personat e dyshuar : E.F ( M/K) i moshës 19 vjeçar, dhe A.F ( M/K), i moshës 18 vjeçar dhe E.M (M/K) i moshës 19 vjeçar, të cilët janë shoqëruar në stacionin policor në Ferizaj, ndërsa është sekuestruar edhe një pushkë automatike, e cila nuk është përdorur”, thuhet në njoftim.
Të dyshuarit pasi janë intervistuar nga hetuesit policorë, me vendim të prokurorit të shtetit, tre të dyshaurit janë ndaluar në mbajtje për 48 orë, për procedura tjera hetimore. /Telegrafi/
