Policia në Vushtrri, në orët e hershme të mëngjesit ka arrestuar tre persona të dyshuar për vepër penale ‘vjedhje e rëndë’.
Arrestimi i tre të dyshuarve është bërë rreth orës 04:00 të datës 7 nëntor 2016, në Vushtrri, në kohën kur një njësitë policore kishin ndaluar veturën me të cilën po udhëtoni tre të dyshuarit, ku gjatë legjitimimit zyrtarët policorë vërejnë se në automjetin e të dyshuarve kishte gjësende të dyshuara, për të cilat nuk kishin sqarime se pse ndodheshin në veturën e tyre.
Në cilësi të provave materiale janë konfiskuar: një pompë uji, kaçavidë, pako me molla dhe gjësende tjera.
Personat e arrestuar janë: J. B. 18 vjeçar, F. Z. 20 vjeçar, S. M. 18 vjeçar.
Nga hetimet e para bëhet e ditur se të dyshuarit vjedhjen e kishin kryer një ditë më parë në një lokacion tjetër.
Tre të dyshuarve pas procedurave intervistuese nga ana e prokurorit të çështjes u është caktuar masa e ndalimit policor.
Ndaj dy të dyshuarve është iniciuar procedurë për vepër penale ‘vjedhje e rëndë ’. /Telegrafi/