Tre persona janë shoqëruar në stacionin policor, për shkak të armëmbajtjes pa leje. Rastet sipas raportit të policisë kanë ndodhur në Prishtinë dhe Drenas.
Në Prishtinë, një mashkull kosovar është shoqëruar në stacionin policor pasi që posedonte një brisk. Pas intervistimit, prokurori ka vendosur që i dyshuari të lirohet, ndërsa rasti do të vazhdojë në procedurë të rregullt.
Po ashtu, në Drenas një i mitur është arrestuar pasi është gjetur me një thikë. Si rezultat, ai është liruar me vendim të prokurorit, ndërsa rasti është duke u trajtuar më tej.
Një rast tjetër është raportuar në Prishtinë, ku një mashkull kosovar është arrestuar për posedim të një pistolete me 14 fishekë. Pas intervistimit, ai është dërguar në mbajtje me vendim të prokurorit.
Policia vazhdon të theksojë rëndësinë e parandalimit të armëmbajtjes pa leje dhe është e angazhuar për trajtimin e rasteve të tilla sipas ligjit. /Telegrafi/