Shërbimi ukrainas i Sigurimit (SBU) njoftoi sot se shtatë shtetas rusë, që besohej se planifikonin sulme në Ukrainë, u arrestuan.
Dy nga shtatë të arrestuarit pretenduan se po punonin për shërbimin e inteligjencës ruse, por nuk ofruan dokumentacion për të konfirmuar këtë, transmeton AP.
Arrestimi u bë vetëm një ditë para zgjedhjeve presidenciale në Ukrainë. Një nga burrat që SBU thotë se ishte arrestuar, mohoi akuzat duke deklaruar se ai ishte në zyrën e tij. /kp/Telegrafi/