Policia e Kosovës njofton se pas një aksioni në Istog dhe në Malishevë janë arrestuar dy të kërkuar me fletarrest ndërkombëtar.
Lajmin për Telegrafin e ka konfirmuar zëdhënësi i PK-së, duke shtuar se urdhërarresti ishte lëshuar nga autoritetet italiane.
“Policia e Kosovës, përmes Drejtorisë për Bashkëpunim Ndërkombëtar në Fushën e Zbatimit të Ligjit (ILECU), ka realizuar një operacion policor në Istog dhe Malishevë, ku janë arrestuar dy persona meshkuj kosovarë”, tregon Kelani.
“Dy personat e dyshuar kanë qenë të kërkuar me urdhërarrest ndërkombëtar, të lëshuar nga autoritetet Italiane”, përfundon ai. /Telegrafi/