Policia e Prizrenit ka arritur që t’i identifikojë dhe arrestojë të të dyshuarit M Q, A.G dhe A. R pasi që të njëjtit gjatë korrik-shtator në lagjen ‘Dardania’ ne Prizren në bashkëveprim kanë kryer vjedhje të rënda.
“Pas një plani operativ taktik të bërë nga hetuesit për arrestimin e të dyshuarve të lartcekur, është bërë arrestimi i tyre rreth orës 11:00 më 7 shtator në lagjen ‘Dardania’ në Prizren, ku janë shoqëruar në stacionin policor”, thuhet në komunikatë.
Të dyshuarit në prani të avokatit mbrojtës janë intervistuar. Në deklaratat e tyre ata pranojnë se i kanë kryer veprat penale në tri lokacione te ndryshme.
Tek të dyshimtit janë gjetur dhe janë konfiskuar në cilësi të provës materiale gjësendet e vjedhura: dy orë dore, dy aparate fotografik si dhe bizhuteri të ndryshme (vathë, unaza,zinxhirë ) etj.
Me vendim të prokurorit i njëjti merr vendimin për ndalim policor për 48 orë ndaj të dyshuarave M.Q dhe A.G , ndërsa i dyshimti A.H lirohet në procedurë të rregullt. /Telegrafi/