Ish-kreu i Partisë Demokratike, Lulzim Basha, ka reaguar pas arrestimit të ish-presidentit Ilir Meta.
Ai e cilësuar këtë ngjarje si një goditje për atë që ai e quan “Trekëndëshi i Bermudës.”
Në një postim publik, Basha deklaron se ky zhvillim paralajmëron edhe fundin e pandëshkueshmërisë, duke e lidhur drejtpërdrejt me kryeministrin Edi Rama.
“Kambanat po bien për Edi Ramën, pasi brinjët e Trekëndëshit të Bermudës nuk qëndrojnë dot pa njëri-tjetrin. Fillimi i fundit të pandëshkueshmërisë shënon dhe fillimin e fundit të tranzicionit. Shqipëria meriton më shumë,” shkruan Basha, duke sugjeruar se kjo ngjarje mund të sjellë ndryshime të rëndësishme në skenën politike të Shqipërisë.
