Përfaqësuesja e Kosovës ka humbur me rezultat 0-3 në udhëtim ndaj Suedisë, ndeshje e vlefshme për kualifikimet në Kampionatin Botëror “Katar 2022”
Dardanët kishin një pjesë të parë të mirë, por fati nuk ishte në anën tonë, ndërsa në të dytën vendasit bën diferencën dhe kështu krijuan edhe epërsinë e thellë.
Ashtu siç pas çdo takim të ekipit të Kosovës, diskutimet janë të mëdha nga tifozët, posaçërisht në rrjetet sociale. Kështu Telegrafi u ofroi një mundësi që lexuesit të vlerësonin lojtarët më të mirë nga ky takim.
Përmes këtij sondazhi, vota më së shumti ka marrë gardiani i Dardanëve, Arijanet Muric – që bëri disa pritje fantastike gjatë përballjes dhe mori 32 për qind të votave.
Pas tij erdhi Elbasan Rashani, që përmes disa harkimeve u mundua ta thyente mbrojtjen vendase, por edhe që kishte disa goditje, mirëpo ishte i pafat, e mori 15 për qind.
Në vend të tretë u rendit Vedat Muriqi, që përkundër numrit të vogël të topave që pranoi dha një paraqitje të mirë, gjersa mori 12 për qind të votave.
Kujtojmë se Kosova këtë fazë të ndeshjeve të tetorit e mbyll të martën e javës së ardhshme, ku është nikoqir i Gjeorgjisë. /Telegrafi/
📊 Lexuesit e Telegrafit votojnë më të mirët e ndeshjes Suedi 3️⃣➖0️⃣Kosovë 🥇 🥈 🥉#TelegrafiSport #Kosova #Dardanët #AroMuric #VedatMuriqi #ElbasanRashani pic.twitter.com/PCaIE0UnUd
— Telegrafi Sport (@TelegrafiSport) October 10, 2021