Ajo ka bërë bujë të madhe me hyrjen në Big Brother VIP, e deri më tani ka bërë rrëfime të ndryshme.
Që nga punët e para, tradhtinë nga bashkëshorti, fëmijët e rolet në film, Arjola Demiri i ka treguar thuajse të gjitha.
Mbrëmë pas spektaklit, ajo i ka qëndruar pranë moderatores nga Kosova, Egzona Rafunës, e cila filloi të qante pas një deklarate që kishte bërë se pastroi shtëpi bashkë me të ëmën për shkak të kushteve ekonomike.
Derisa po qante dhe nuk tregoi arsyen e saktë, aktorja tropojane tha se nuk është turp të tregosh se ke bërë një lloj punë, kjo madje është një histori motivimi për shumë njerëz.
E njëjta tregoi se në moshën 10-vjeçare ka ruajtur lopë edhe pse ka kryer 16 vite shkollë për aktrim.
“Edhe unë e kam thënë këtu, i kam mbaruar 16 vjet shkollë për aktore, kur kam qenë 10 vjeçare jam detyruar të ruaj lopë në mes të qytetit, lindur e rritur në qytet për shkak se dëshirën e kisha që të qëndroj tek dajtë. Kam ruajt lopët në mes të qytetit tre muajt e verës”, u shpreh Demiri.
“Këtu jemi ardhur që të tregojmë kush jemi ne, nuk është turp. Kjo është histori motivimi mbi të gjitha”, tha ajo.
Egzona përndryshe këtë javë doli në nominim për t’u larguar nga shtëpia së bashku me valltarin, Dritan Brama. /Telegrafi/
