Banorja e edicionit të parë të Big Brother VIP, Arjola Demiri, ka folur rreth këtij formati televiziv.
Ajo ka qenë e ftuar në ‘Breaking’, ku edhe ka komentuar banorët e këtij viti dhe lojën që po bëjnë brenda.
E pyetur nëse do të ndryshonte ndonjë gjë nga e kaluara, ajo theksoi se ky reality shou e ka mësuar shumë.
“Ndoshta Big Brother më ka shërbyer për të mësuar e për të thënë jo, pikë së pari sepse nuk e kam pasur këtë veti timen. Nuk thoja shpesh jo. Nuk dija të hiqja dorë nga diçka shumë shpejt”, theksoi aktorja nga Tropoja.
Bukuroshja shtoi: “Big Brother ka qenë një shkollë shumë e mirë, në qoftë se e kam pasur të vështirë të hiqja dorën nga njerëzit që i kam pasur afër për x arsye, tanimë nga Big Brother e kam marrë stop. Më përpara nuk e kam pasur. Më ka rritur si njeri”.
Arjola ka qenë shumë e komentuar gjatë periudhës që ishte brenda duke rrëfyer histori të ndryshme nga jeta.
Në edicionin e parë fitues u shpall balerini Ilir Shaqiri. /Telegrafi/
