Nxënësit e një shkolle fillore në Kent të Anglisë, ia kanë dalë ta dërgojnë ariun lodër të kapur për balonën me helium, deri në lartësinë prej 30 mijë metrash.
Pasi udhëtoi 29 kilometra dhe arriti në stratosferë, qëndroi aty për afro katër orë, derisa eksplodoi nga presioni i lartësisë, transmeton Telegrafi.
“Bashkëshortët të cilët gjetën ariun, që kishte rënë nga hapësira në kopshtin e tyre, na sollën në shkollë, ishin shumë bashkëpunues”, ka thënë mësimdhënësi që organizoi projektin.
Tani kjo lodër po mbahet si trofe, nga nxënësit që ishin pjesë e programit që merret me eksperimente të ndryshme shkencore. /Telegrafi/