Një burrë nga Kalifornia duke larë enët në kuzhinën e tij u vizitua nga një ari.
Jason Wightman tha se ai po lante enët në shtëpinë e tij në Sierra Madre kur shikoi anash dhe pa një ari në hyrje të derës së tij.
Ai ka postuar një video në Facebook që tregon takimin, përcjell Telegrafi.
“Përshëndetje, a jeni mirë? Ti je në shtëpinë time. Dil nga shtëpia ime”, dëgjohet të thotë Wightman.
Wightman tha se arinjtë janë të zakonshëm në zonën e tij, por ai mbeti i habitur kur pa një brenda shtëpisë së tij.
Bëhet e ditur se kafsha u largua pa incidente. /Telegrafi/