Këngëtarja e njohur shqiptare, Arilena Ara, ka prezantuar për publikun projektin e saj më të ri muzikor.
Ajo ka sjell këtë herë një bashkëpunim me Florin, të titulluar “Doja”.
Kënga është e zhanrit baladë, dhe është punuar nga producenti i njohur Darko Dimitrov.
Për vargjet e tekstit është kujdesur Lindon Berisha, dhe të dy këta janë njëherësh autorë të këngës më të suksesshme të Arilenës, “Nëntori”.
Arilena përndryshe është shumë aktive në muzikë me projekte të shumta muzikore, të cilat gjithnjë priten mirë nga publiku.
“‘Doja’ – një këngë shumë afër zemrës sime, krijuar 3 vite më parë nga Darko Dimitrov, mirënjohëse! Me një ndjesi rrëqethëse shkruar nga Lindon Berisha, Flori – zëri yt që aq shumë e dua! Faleminderit për emocionin e bukur që i dhurove “Dojës” tonë! Thjeshtë dhe pa shumë fjalë, për ju me gjithë energjinë tonë “DOJA””, ka shkruar Arilena në Instagram, teksa i ka prezantuar fansat me këngën e saj të re. /Telegrafi/