Futbollistët e Argjentinës janë gjysmëfinalistët e parë të Copa America pasi mposhtën përfaqësuesen e Ekuadorit në një performancë më të mirë në penallti. Loja e rregullt përfundoi me barazim 1-1.
Shorti është hapur plotësisht për Argjentinën në Copa America, dhe ata janë vendosur në gjysmën e sipërme ku nuk kanë Brazilin, Uruguain dhe Kolumbinë. Megjithatë, ata pothuajse përfunduan garën në pengesën e parë.
Goli i parë i ndeshjes u shënua nga mbrojtësi Lisandro Martinez, i cili në minutën e 35-të kaloi në epërsi argjentinasit dhe me atë rezultat shkuan në pushim.
Lisandro Martinez with his first international goal for Argentina.
MY CENTRE-BACK 🔥🇦🇷pic.twitter.com/JTKKQQsPnC
— UF (@UtdFaithfuls) July 5, 2024
Në vazhdim ekuadorianët u intensifikuan, Enner Valencia humbi penalltinë, por në minutën e 92-të ishte Kevin Rodriguez që shënoi për të barazuar rezultatin në 1-1 dhe vazhduar këtë dramë.
Ndeshja u vendos me penallti, të cilën e fituan argjentinasit me rezultat 4-2.
Enner Valencia falló el penal. Son unos cagones todos es increíble. #CopaAmerica
— MT2 (@madrid_total2) July 5, 2024
KEVIN RODRIGUEZ LEVELS IT FOR ECUADOR AGAINST ARGENTINA AND WE’RE GOING TO PENALTIES!!! pic.twitter.com/5CBxylgFAg
— Roberto Rojas (@RobertoRojas97) July 5, 2024
Megjithatë, nuk mund të kishte nisur më keq për argjentinasit. Lionel Messi ishte i pari që vendosi topin në pikën e bardhë dhe më pas tentoi të kryente një “panenka” e cila u ndal nga traversa dhe shkoi mbi portë.
Por, i njëjti hero si gjithmonë iu shfaq edhe kësaj radhe. Portieri Emiliano Martinez tregoi sërish se është specialist në pritjen e penalltive dhe priti dy goditjet e ekuadorianëve dhe e çoi Argjentinën në gjysmëfinale, ku do të luajë kundër skuadrës më të mirë të duelit Venezuelë-Kanada.
Është interesant fakti se është hera e katërt që Martinez bëhet hero i penalltive për kombëtaren e Argjentinës. /Telegrafi/
