Këngëtari Ardian Bujupi dhe reperi i njohur Capital T do të sjellin këtë të premte bashkëpunimin e tyre më të ri “Andiamo”.
Kënga e cila ka bërë bashkë dyshen, është punuar me produksion të huaj, dhe me gjasë do të jetë një ndër hitet e kësaj vere.
Në një prononcim për Telegrafin, Capital T ka rrëfyer disa detaje nga ky bashkëpunim.
“Kemi përfunduar punën për këngën tonë më të re “Andiamo”, e cila është ritmike dhe me pjesë ku ka repturë. Është punuar nga një produksion gjerman, dhe publikohet këtë të premte, më 28 korrik”, tha Capital T për Telegrafin.
“Andiamo” duket një titull paksa i çuditshëm, por që për Telegrafin, Kapo zbulon kuptimin e tij.
“Kënga titullohet ‘Andiamo’, është fjalë italiane që në shqip përkthehet ‘le të shkojmë’”, tregoi Capital T.
Ndërkohë edhe Ardian Bujupi duket të jetë shumë i lumtur për këtë bashkëpunim. Ai ka treguar edhe më parë në një intervistë për Telegrafin se vera 2017, për të do të ishte e ngarkuar me plot këngë të reja nga albumi i tij i tretë.
“’Andiamo’ titullohet kënga e radhës, të cilën e sjell në bashkëpunim me Capital T, jam ndarë shumë i kënaqur nga realizimi, shpresoj edhe fansat ta pëlqejnë”, tha Ardian Bujupi për Telegrafin.
Telegrafi ka përcjell nga afër edhe disa prej xhirimeve të këtij klipi, dheju prezanton në vazhdim me disa prej imazheve që zbulojnë pak nga skenat e projektit “Andiamo”.
Në këtë klip nuk do të mungojnë femrat atraktive, si dhe paraqitja e djelmoshave si çdo herë me shumë stil. /Telegrafi/
