Arda Guler është lojtari më i përfolur aktualisht te Real Madridi edhe pse ishte menduar se në këtë pozicion të jetë Jude Bellingham.
Anglezi u transferua te Los Blancos nga Borussia Dortmundi për 103 milionë euro, mirëpo ka mbetur nën hijen e turkut që i kushtoi klubit 20 milionë euro nga Fenerbahce.
Derisa po shfaq çdo ditë cilësitë e tij në stërvitje, Guler duket se tani ka rënë në një duel të fortë.
Antonio Rudiger duket se po e markon mirë talentin në stërvitjet e Real Madridit dhe kjo mund të shihet në një video të publikuar në rrjetet sociale.
Sado që Arda tenton të duelojë fizikisht me mbrojtësin gjerman, e ka të pamundur që ta kalojë atë.
Te Real Madridi raportohet se janë duke punuar me Gulerin pikërisht nga pjesa fizike, pasi cilësitë e tij për driblim tashmë kanë mahnitur të gjithë. /Telegrafi/
