Arda Guler tashmë ka vendosur një rekord te Real Madridi – vetëm i treti pas Cristiano Ronaldos dhe Leo Messit me pëlqime në Twitter

Arda Guler nënshkroi për Real Madrid të enjten dhe tashmë po shkruante historinë në klub të premten.

Njoftimi për nënshkrimin e ish-lojtarit të Fenerbahçes theu rekorde në Twitter.

Guler kishte shumë interesim nga Barcelona dhe Milani, mirëpo vendosi që përfundimisht të shkonte te Los Blancos.

Lexo po ashtu Paga e Arda Guler krahasohet me atë të Vinicius Junior, Thibaut Courtois dhe lojtarëve të tjerë të Real Madridit

Lojtari u prezantua nga ‘Merengues’ të premte (sot) dhe në të njëjtën ditë ai kishte bërë tashmë histori te klubi spanjoll.

Tweeti me të cilin skuadra nga Santiago Bernabeu njoftoi mesfushorin e ri theu rekorde.

Lexo po ashtu Arda Guler emëroi katër idhujt e tij në prezantimin te Real Madridi - diçka tjetër shihet në rrjetet sociale

Njoftimi i Real Madridit për ardhjen e Arda Guler është tani postimi më i pëlqyer në historinë e klubit me më shumë se 760.000 pëlqime (në kohën e raportimit).

Vetëm kthimi i Cristiano Ronaldos në Manchester United  (1.8 milion) dhe kalimi i Messit në PSG  (850.000) ka gjeneruar më shumë pëlqime sesa ajo e Gulerit. /Telegrafi/