Anësori i Ballkanit, Arbër Hoxha, e ka konfirmuar se ka pësuar lëndim të rëndë në seancën stërvitore para ndeshjes kundër Trepçës ‘89.
Në një prononcim për Gazeta Sheshi, futbollisti ka bërë të ditur se i ka këputur ligamentet e gjurit dhe do t’i nënshtrohet ndërhyrjes kirurgjike.
“Është e vërtetë, jam lënduar gjatë seancës stërvitore të ditës së shtunë dhe pas ekzaminimeve mjekësore del që i kam këputur ligamentet e gjurit”.
“Të martën pritet që të hy në operim”, citohet të ketë thënë lojtari lidhur me lëndimin e tij.
Hoxha ka qenë standard gjatë këtij edicioni për klubin nga Suhareka, prandaj do t’i mungojë skuadrës në ndeshjet e mbetura të sezonit.