Ish-gazetarja tashmë anëtare e PDK-së, Arbana Xharra në “Debat +” të RTV Dukagjini ka thënë se Lumir Abdixhiku nuk është i gatshëm të përballët me të.
“Lumir Abdixhiku është një njeri i pamoralshëm, i cili më ka kritikuar mua për aderimin tim në PDK, ndërsa ai pak ditë pas kritikave ndaj meje kaloi në LDK”, tha Xharra.
“Është e pa moralshme që një person si Lumir Abdixhiku të përdor fushatë deri tek dhuna fizike që më është ushtruar në mua. Nuk kam shkuar në parti për Adem Grabovcin. Unë jam kryqëzuar ende pa filluar punën. Ka qenë e pamoralshme mënyra se si janë versulur ndaj meje”, ka thënë Xharra, transmeton Gazeta Blic.
Xharra ka thënë se ajo dhe Lumir Abdixhiku kanë qenë në pozitën e njëjtë, andaj ky i fundit nuk ka të drejtë ta kritikojë.
Ajo më tej ka thënë se do një përballje me Lumir Abdixhikun, dhe se është lehtë të shkruash nga shtëpia.