Sonte (e premte) po mbahet nata gjysmëfinale e Big Brother VIP, ku pritet të përzgjidhen edhe dy finalistët e fundit, pas atyre të parëve, Ilir Shaqiri dhe Beniada Nishani.
Vëmendjen në fillimin e spektaklit mori padyshim prezantuesja ikonike, Arbana Osmani, e cila si çdo herë tjetër u paraqit elegante.
Për këtë natë, Arbana kishte përzgjedhur një kostum me ngjyrë rozë të cilin e kombinoi me taka me të njëjtën ngjyrë, flokë të valëzuara dhe makijazh të theksuar.
“-7 njerëz”, ka shkruar Arbana në mbishkrimin e imazheve, duke iu referuar ditëve që kanë mbetur deri në finalen e BB VIP.
Plotë sharm dhe me një buzëqeshje të përhershme në fytyrë dhe oratorinë që e karakterizon, Arbana edhe një herë e dëshmojë që është një prej moderatoreve më të suksesshme të ekraneve shqiptare.
Ndërkohë, kujtojmë që Arbana është drejtuese e këtij formati që nga viti 2008 dhe u rikthye në tetor të 2021 pas katër vitesh. /Telegrafi/
