Pas javëve të thashethemeve dhe rrjedhjeve, Apple zyrtarisht lansoi një MacBook Air të ri gjatë ngjarjes së 30 tetorit në Bruklin, Nju Jork. Laptopi i fundit i Apple mund të porositet sot dhe do të dërgohet më 7 nëntor për 1,200 dollarë.
Në sipërfaqe, MacBook Air i ri duket shumë si MacBook Pro me korniza të holluara, altoparlantë të fuqishëm dhe një profil më të zbehur. Dizajni i ri ka korniza 50 për qind më të holla dhe katër herë më shumë rezolucion në ekran, me 4 milion pikselë gjithsej. Pajisja gjithashtu është 17 për qind më e lehtë se paraardhësi i saj.
Karakteristikat kryesore në bordin e MacBook Air të ri përfshijnë një ekran retine 13.3-inç, dy kabllo USB-C Thunderbolt dhe Touch ID – të gjitha të bartura nga MacBook Pro dhe MacBook 12 inç.
Nën sipërfaqe, MacBook Air është mundësuar nga procesori 8-gen Intel Core i5. Nuk na është thënë saktësisht se cili CPU, por Apple ka përmendur se ishte një procesor dual-core.
Krahas procesorit Intel është bashkë-procesori T2, i cili përdoret për Touch ID dhe funksionalitetin “Hey Siri”. Modeli bazë vjen me 8GB RAM, por gjithashtu mbështet deri në 16GB memorie në 2,133 GHz. Sa i përket magazinimit, pajisja sjell deri në 1.5 TB SSD, duke e bërë atë 60 për qind më të shpejtë se gjenerata e mëparshme.
“MacBook Air është laptopi më i pëlqyer ndonjëherë dhe tani është koha për një MacBook të ri që dërgon përvojat MacBook në fushat që janë më të rëndësishme për klientët tanë”, tha CEO i Apple Tim Cook.
Ngjashëm me gjeneratat e mëparshme, Apple ka premtuar 12 orë jetëgjatësi të baterisë për shfletim pa kabllo dhe 13 orë filma në iTunes. Kompania gjithashtu vuri në dukje se altoparlantët në bordin e MacBook Air janë 25 për qind më të fortë se në modelin paraprak. /Telegrafi/