Rita Ora lansoi ditë më parë ‘singlin’ “Anywhere”, por që u gjend javë më parë në platformat tjera të shkarkimit.
Kjo këngë është trend në top listat britanike, sidomos në UK Official Charts.
Në mesin e 20 këngëve më me ndikim dhe më në trend është pikërisht krijimi muzikor i Ritës.
“Anywhere” debutoi në pozitën e 20-të, ndërsa tash është në vendin e 11-të, e pritjet janë që të hyjë në top 5 brenda javës.
Rita Ora është në top 5 me “Lonely Together” në bashkëpunim me Aviciin, pra është në vendin e katërt.
Në vendin e 17-të të UK Official Charts është “New Rules” nga Dua Lipa.
Javë më parë Rita Ora u bë artistja e parë britanike që kishte tri këngë në top 30 të top listës. /Telegrafi/