Farmacistja Dardana Mehaj bën të ditur se antibiotikët në asnjë mënyrë nuk duhet të merren pa recetë të mjekut.
Mehaj gjatë Podcastit në Telegrafi.com me redaktoren Besnike Salihu thekson se përdorimi i tepruar i barnave mund të shkaktojë rezistencë dhe pastaj atëherë kur nevojiten më së shumti mund të mos reagojnë.
Ajo po ashtu tregon se me çfarë duhet të shoqërohen patjetër antibiotikët te fëmijët atëherë kur mjekët konstatojnë se antibiotikët janë të nevojshëm.
“Këtu vjen shprehje profesioni i farmacistit i cili përpos detyrave tjera që i ka, një prej detyrave kryesore është edhe këshilldhënia…
Në rast se te mjeku jeni drejtu me problemin që fëmija ka nevojë mu trajtu me terapi, mjeku ia jep terapinë, po është farmacisti ai që duhet në rast se mjeku ka harru të jap këshilla shtesë që nevoja e përdorimit të antibiotikut, dhënia e antibiotikut duhet të shoqërohet gjithmonë me konsum sa më të madh të lëngjeve, pijeve, supave d.m.th gjëra të lëngshme sepse shumicën e rasteve ka efekte anësore.
Shembull një gamë e gjerë e antibiotikëve si efekt anësor ka barkqitje dhe gjithmonë shoqërohet me një produkt… këtë rast janë lactobacilet që e stabilizojnë florën normale në organizëm që mos të vijë te barkqitja.
Paraprakisht duhet marrë pasa parandaluese që mos me ardh te ai efekt anësor…
Gjithmonë kur shohim që janë përshkruar antibiotikët duhen edhe me vitaminë shtesë, vitaminë C e tjera, lëngje sa më shumë… Duhet të ketë po ashtu kujdes në kohëzgjatjen sa qëndron antibiotikët kur hapen…
Ato duhet të qëndrojnë në vend të errët dhe palagështi…”, tha ajo. /Telegrafi/
