Dje (e premte), artistët e njohur të estradës shqiptare, Nora Istrefi dhe Gjiko, publikuan këngën e re, “Anna”.
Me paraqitjen atraktive të dy yjeve, kënga e tyre u mirëprit nga publiku dhe vetëm për një ditë kaloi shifrën e një milion klikimeve në platformën YouTube.
Këtij suksesi i është gëzuar edhe vet reperi Gjiko, ndërsa falënderoi fansat e tij për përkrahjen që iu është dhënë.
Falënderimin vendosi ta bëjë përmes një postimi të publikuar në Instagram, nga i cili me anë të gishtit tregues lë të kuptohet për milionëshin e parë.
“Një milion Anna, faleminderit të gjithëve për përkrahjen që jeni duke bërë”, është përshkrimi që ia ka vënë fotos.
Se projekti i dyshes u mirëprit nga të gjithë dëshmohet edhe me komentet pozitive që kanë marrë në rrjetet sociale.
Kjo këngë e Norës dhe Gjikos momentalisht është ndër më të preferuarat e publikut me të cilën duket se do e përmbyllin vitin 2019. /Telegrafi/