Brad Pitt ka dalë ballë për ballë me disa prej ish-partnereve të tij në ceremoninë e Golden Globes, duke përfshirë aktoret, si Jennifer Aniston e Gwyneth Paltrow.
Për herë të parë pas 16 vitesh, hamshori hollivudian është takuar në publik me ish-bashkëshorten e tij, Aniston, ndërsa faqet rozë i kanë kushtuar shumë vëmendje prezencës së ish-çiftit në të njëjtin vend.
Derisa po fliste gjatë parakalimit të tij në tepihun e kuq, aktori ka thënë se e mirëpret takimin me aktoren, me të cilën ka qenë i martuar gjatë viteve 2000-2005 dhe pastaj e braktisi për t’u lidhur me Angelina Jolien në xhirimet e filmit “Mr And Mrs Smith”.
Brad Pitt KNOWS what everyone's thinking, and he's down for a Jennifer Aniston run-in at the #GoldenGlobes! pic.twitter.com/emWbPbHlC2
— Entertainment Tonight (@etnow) January 6, 2020
Ai e ka quajtur mikeshë të mirë Anistonin, ndërsa kur Pitt e fitoi çmimin për aktorin më të mirë në rol dytësor (“Once Upon a Time in Hollywood”), Jennifer është dukur mjaft e përqendruar në fjalimin e tij.
Ndërsa reagimi i saj ishte akoma më interesant kur Brad deklaroi me shaka se nuk e kishte sjellë nënën e tij në ceremoni, sepse mediat po spekulojnë se është në lidhje për secilën femër me të cilën po qëndron pranë. /Telegrafi/
