Amanda Liberty nga Britania e Madhe ka humbur një betejë ligjore që e kishte filluar, pasi kishte ngritur padi kundër një tabloidi për shkak të shkeljes së kodit për shkrimet e shumta rreth orientimit seksual.
Amanda tash e disa vite është në një lidhje emocionale (seksuale) me abazhurin e saj, që 92 vite më parë ishte prodhuar, transmeton Telegrafi.
Rrëfimi për orientimin e saj seksual të pazakontë është shpërndarë në atë masë, sa dhe edhe kolumnistja e këtij tabloidi ka shkruar për nevojën e çuditshme të Amanda që të lidhet “seksualisht” për objektet që i ka në shtëpi.
Gruan nga Leeds i Anglisë e ka fyer shumë teksti, kështu iu drejtua organizatës së pavarur për standarde të mediave të shkruara, duke paditur tabloidin për diskriminim. E këtë rast ajo e humbi në procesin gjyqësor.
E si arsyetim është përmendur neni i 12-të i kodit të gazetarisë, ku thuhet se dënohet autori i një shkrimi nëse në gjuhën pezhorative fyen dikë bazuar në orientimin seksual.
Avokati i këtij tabloidi është thirrur në të njëjtën nen, duke theksuar se kolumnistja do të dënohej nëse do ta fyente dikë për shkak të orientimit seksual me të njëjtës gjini apo të kundërt, por jo edhe për objektet – në këtë rast abazhurin.
Gjykata ka mbrojtur tabloidin duke thënë se neni i 12-të ofron mbrojtje personave sa i përket orientimit të tyre seksual ndaj një personi tjetër, por jo edhe ndaj objekteve. /Telegrafi/
