Kancelarja gjermane Angela Merkel, është parë sot duke u dridhur përsëri në mënyrë të pakontrolluar gjatë takimit me kryeministrin finlandez Antti Rinne në Berlin.
Kjo është hera e tretë që brenda tri javëve Merkel ka përjetuar dridhje të turpit, shkruan The Sun, transmeton Telegrafi.
Kancelarja gjermane nuk ishte mirë me shëndet edhe më 27 qershor, kur ajo qëndronte pranë presidentit gjerman Frank-Walter Steinmeier në një ceremoni për të emëruar një ministër të ri të Drejtësisë. Merkelit atëherë iu ofrua një gotë ujë që ajo e refuzoi.
Pothuajse e njëjta skenë u zhvillua ndërsa Merkel e mirëpriti presidentin e Ukrainës Volodimir Zelensky dhjetë ditë më parë.
Merkel qëndroi pranë Zelensky në diell, ndërsa grupi ushtarak luajti himnet e Gjermanisë dhe Ukrainës kur ajo filloi të dridhej.
Në fund të Samitit dyditor të G20 në Osaka, Merkel (65) tha se i kupton pyetjet e gazetarëve për shëndetin e saj, por theksoi se ajo ndjehej mirë.
“Unë jam mirë”, tha Merkel në Osaka.
Ajo shtoi se ishte e bindur se reagime të tilla “vijnë dhe shkojnë”. /Telegrafi/
