Presidenti i Shqipërisë, Ilir Meta ka përmendur disa prej pikave të rezolutës së miratuar nga Parlamenti Evropian, ku shprehen disa prej shqetësimeve në vend.
Meta përmes një komunikimi për media ka thënë se anëtarësimi në BE varet nga reformat e thella.
Meta nënvizoi nevojën për të përmirësuar demokracinë si dhe miratimin e një ligji për referendumet.
“Dua të vlerësoj votimin e rezolutës, për anëtarësimin në BE dhe kjo varet nga reformat e thella, shpreh shqetësim për klimën e polarizuar politike, shpreh keqardhje për ndryshime jo konsensuale, nga mazhoranca para zgjedhjeve të 25 prillit. Bëj thirrje që të tregohet pjekuri politike, shpreh keqardhje për mungesën e dënimeve përfundimtare në nivele të larta. Nënvizoj nevojën për të përmirësuar demokracinë pjesëmarrje përfshirë miratimin e një ligji për referendumet… I bëj thirrje qeverisë të përmirësojë aksesin e punës së saj, shpreh shqetësim serioz për rrjedhje të të dhënave personale. U bëj thirrje autoriteteve të rrisin parandalimin për keqpërdorimin e të dhënave personale”.
Meta tha se të gjithë akterët, qeveria, opozita, e shoqërisë civile të fokusohen tek përmbajtja e rezolutës.
“Fakti që përmendet regresi i Shqipërisë në 5 vite dhe Indeksit të korrupsionit. Të gjithë akterët, qeveria, opozita, të gjithë akterët e shoqërisë civile të fokusohen seriozisht tek përmbajtja e kësaj rezolute, unë mbështes fuqimisht hapjen e negociatave, pavarësisht prapambetjes që kemi, populli shqiptar meriton të hidhet një hap përpara, por këto probleme janë pengesa të pakalueshme për çdo vend që do të anëtarësohet në BE”, tha Meta. /Tch/Telegrafi/