Eden Hazard nuk do të largohet nga Real Madridi gjatë afatit kalimtar të janarit, por as gjatë verës.
Sulmuesi belg përkundër që ka pasur probleme të mëdha me lëndime, duket se ka mbështetjen e plotë të trajnerit Carlo Ancelotti dhe klubit madrilen.
Belgu ishte vendimtar në mesjavë, kur shënoi gol dhe dërgoi Real Madridin në çerekfinalen e Copa del Rey.
Hazard realizoi në fitoren e vështirë të Realit 1-2 në udhëtim te Elche.
Tekniku italian ka deklaruar se Hazard është në planet e Los Blancos për këtë sezon dhe tjetrin dhe se nuk do të largohet nga Santiago Bernabeu.
Carlo Ancelotti denies rumours on Real Madrid planning to sell Eden Hazard: “Hazard is in our plans for the next season, I can confirm”, he said. ⚪️🇧🇪 #RealMadrid
Leaving the club in January has never been a concrete possibility.
— Fabrizio Romano (@FabrizioRomano) January 22, 2022
“Hazard është në planet tona për sezonin e ardhshëm, këtë mund t’ua konfirmoj”, ka deklaruar Ancelotti.
Real Madridi përballet me Elchen në La Liga në kuadër të xhiros së 22-të dhe Hazard pritet të jetë në fushë nga minuta e parë. /Telegrafi/