Transferimi i ri i Flamengos, David Luiz thuhet se u kërkuar nga Real Madridi, pasi u lirua nga Arsenali këtë verë.
Sipas mediumit Globo Esporte, trajneri i Realit, Carlo Ancelotti e telefonoi Luizin, i cili do të kishte qenë në dispozicion si lojtar i lirë pasi kontrata e tij me Arsenalin përfundoi.
Trajneri italian thuhet se e donte Luizin si pasues të Sergio Ramosit dhe Raphael Varanes, të cilët u larguan këtë verë nga Santiago Bernabeu.
Le LOSC a pensé à David Luiz https://t.co/8R5tADYSGa
— Foot Mercato (@footmercato) September 17, 2021
Megjithatë, një transferim nuk u materializua dhe mbrojtësi brazilian thuhet se ka nënshkruar me Flamengon.
Ancelotti dhe Luiz më parë kanë punuar së bashku te Chelsea gjatë gjysmës së dytë të sezonit 2010-11 pasi braziliani nënshkroi nga Benfica për 21.3 milionë funte në afatin e janarit.
Sidoqoftë, përpjekjet e Ancelottit për të transferuar 34-vjeçarin dështuan sepse Reali tashmë kishte përmbushur kuotën e tyre të lojtarëve ‘jo-BE’ në skuadër.
Bashkatdhetarët brazilianë të Luizit, Eder Militao, Vinicius Junior dhe Rodrygo janë emrat që gjenden në listën e lojtarëve jo-evropian të Realit. /Telegrafi/