Këngëtarja Ana Kabashi këto ditë që pritet që të publikojë projektin e saj më të ri muzikor.
Bëhet fjalë për një këngë të re me klip, projekt të cilin këngëtarja ka vendosur ta titullojë “Papi”.
Ajo në një prononcim për Telegrafin, ka folur shkurt rreth këngës së saj të re, të cilën pret ta lansojë shumë shpejt.
“Kam përfunduar punën për këngën time më të re, e cila titullohet “Papi”. Është një këngë rimtike verore, e cila është punuar nga Nurteel, dhe shpresoj se publiku do ta mirëpresë”, tha Ana për Telegrafin.
E njëjta ka përfunduar edhe xhirimet për klipin e saj kënge, klip në të cilin do të shfaqet mjaft atraktive.
“Xhirimet e klipit kanë përfunduar. Këtë klip ia kam besuar produksion XL Films. Do të jetë një klip shumë i veçantë besoj, për më tepër do pres ta shihni kur të publikohet”, ka shtuar këngëtarja Kabashi më tej.
Telegrafi ka siguruar disa fotografi ekskluzive nga prapaskenat e xhirimeve të klipit “Papi”, në të cilin këngëtarja nga Peja do të vijë mjaft provokuese dhe atraktive.
Ndërkohë, përveç projekteve të reja, ajo vazhdon të jetë shumë e angazhuar edhe me koncerte dhe mbrëmje të ndryshme muzikore.
Në llogarinë e saj zyrtare në Instagram, këngëtarja ndau me fansat edhe trailerin e klipit të saj të ri, që do të publikohet brenda pak ditësh. /Telegrafi/