Një grua ka thënë se punonjësit e aeroportit pothuajse nuk e lanë të hipte në një fluturim pasi dukej ndryshe nga fotografia që kishte bërë për pasaportë.
Ajo paralajmëroi edhe vajzat e tjera që të mos rregullohen shumë për fotografitë e dokumenteve, transmeton Telegrafi.
Alisha Marie, 30-vjeçare ndau përvojën e saj përmes një video në TikTok. Ajo tha se ishte rregulluar aq shumë për fotografinë e pasaportës sa që nuk njihej.
Videoja e saj ka grumbulluar mbi 15 milionë shikime dhe është bërë virale në rrjet.
“Ata pothuajse nuk më lanë të hip në aeroplan pasi më thanë se nuk dukem sikurse në foton e pasaportës. Kjo është arsyeja pse nuk duhet të bëni fotografitë në këtë formë, sepse unë nuk dukem kështu”, tha ajo në video.
Ndërkohë, Alisha shkoi në një aeroport në Stamboll e veshur me një gardërobë të thjeshtë dhe nuk kishte vendosur make-up.
Zyrtarët menduan se dukej ndryshe nga fotografia në pasaportë sa që ishte vonuar të hipte në aeroplan.
Fatmirësisht, influencuesja e bukurisë nga Los Angeles u lejua në fluturimin e saj. /Telegrafi/