Një lojë e re në TikTok i ka ‘sëmurë’ shumë amerikanët. Bëhet fjalë për supozimin e qyteteve evropiane në një hartë.
Një amerikan i quajtur Jacob u bë viral pasi luftoi për të shqiptuar dhe gjetur Lubjanën, transmeton Telegrafi.
Kjo video është parë mbi 15 milionë herë. Pas kësaj, ai vendosi edhe një herë të dëshmojë (mungesën) e njohjes së tij për Evropën – duke tentuar ta gjejë Zagrebin.
“E di që Kroacia është këtu diku”, tha ai me besim teksa vendosi Zagrebin në territorin e Bullgarisë. Kjo video është parë mbi gjysmë milioni herë.
“Të paktën e di që Zagrebi është në Kroaci”, e lavdëroi një komentues.
“Epo, faleminderit që njohët arritjet e mia”, tha amerikani me shaka pas një tjetër dështimi gjeografik. /Telegrafi/