Një burrë nga Maryland vendosi që të luaj lotari për herë të parë duke blerë një biletë Racetrax, dhe me tentimin e parë përfundoi duke fituar 40,044 dollarë.
Amerikani 22 vjeçar nga Parkville zyrtarëve të Maryland Lottery u tha se ai dhe shoku i tij ishin duke shikuar garën virtuale të kuajve Racetrax, kur vendosi ta pyeste atë se si funksionon kjo lojë.
“I zgjodha 3 kuaj të rëndomtë për një efekt ‘trifecta’. Gjithashtu e luajta edhe bonusin. Jam i sigurt se nuk e dija se çfarë po bëja pasi që kur shikova lartë dhe i pash shanset, mendova se nuk kam gjasa të mëdha të fitimit”, tha lojtari, raporton UPI, transmeton Telegrafi.
Tutje burri shtoi se ai “u trondit” kur e skanoi biletën dhe pa se sa para kishte fituar.
“Mendova se kisha fituar një shumë prej 800 dollarëve, por shuma e cila u shfaq në ekran shkonte deri në 40,044 dollarë”, deklaroi ai.
Ndër të tjera burri nga Maryland bëri të ditur se paratë e fituara do ta ndihmojnë atë në pagimin e huave studentore dhe të kujdeset për shpenzimet e tjera ndërsa zgjedh karrierën. /Telegrafi/