Amber Heard ka 16 arsye se përse do të apelojë vendimin e gjykatës kundër Johnny Deppit

Po vazhdon saga e Amber Heard kundër Johnny Depp.

Aktorja depozitoi të martën, më 11 tetor, një ankesë për të apeluar dënimin që i ishte dhënë në gjyqin ndaj ish-bashkëshortit të saj.

Katër muaj pasi një juri i dha Depp 10.3 milionë dollarë apo (10.5 milionë euro) dëmshpërblim, Heard është gati të apelojë vendimin së bashku me avokatët e saj, David L. Axelrod dhe Jay Ward Brown nga firma ligjore, Ballard Spahr.

Sipas dokumenteve të siguruara nga Vanity Fair, 16 pikat përfshijnë mungesën e ‘provave të qarta dhe bindëse’ si dhe faktin që gjykata rrëzoi kërkesën e jurisë për dëmshpërblimin.

Lexo po ashtu Të gjitha lajmet nga Amber Heard

Secila nga 16 pikat në ankesë, e cila thotë, “Gjykata gaboi duke lejuar Depp të argumentonte ose sugjeronte në sallën e gjyqit që juria mund të jepte dëmshpërblim bazuar në deklaratat ose sjelljen që paraprijnë publikimin e shkrimit të kundërshtuar”.

Sidoqoftë, llogaria në Twitter ‘Heardsstan’ postoi atë që është, me sa duket, dokumenti që përmend këto pika:

Heard është parë së fundmi në Mallorca të Spanjës, së bashku me vajzën dhe të dashurën e saj dhe pamjet kanë bërë bujë në internet.

Sipas dëshmitarëve, Amber ka shkuar me pushime, por duket se qetësia që ka gjetur aty e ka bërë që të qëndrojë më shumë se sa pritej dhe ndoshta të ndryshojë vendbanimin.

Kështu, ish-i i Johnny Depp është parë gjatë gjithë kohës pranë partneres së saj, Bianca Butti dhe vajzës së saj të vogël, Oonagh Paige Heard.

Disa raportime tregojnë se Amber është regjistruar me një emër tjetër, Martha Jane Cannary, ndoshta duke iu referuar Calamity Jane. /Telegrafi/