Ambasadori i Gjermanisë në Prishtinë, Christian Heldt, ka reaguar për procesin e emërimit të noterëve të rinj të Kosovës, duke thënë se emërimi i noterëve të rinj duhet të jetë në standardet ndërkombëtare.
Heldt në një postim në Twitter ka shkruar se kjo nuk është personale por ka të bëjë me shqetësimet e ngritura në nivelin profesional të noterëve.
“Mirëpres sqarimin e djeshëm në televizion nga kryetari i PDK-së, Kadri Veseli, duke mos parë pse duhet të nxitohen këto nominime tani. Nuk është personale, por politike, ka të bëjë me shqetësimet e ngritura në nivelin profesional të noterëve, të cilët dëshirojnë që Kosova të bashkohet në këtë familje ndërkombëtare.
Ndryshe, ministri në largim i Drejtësisë, Abelard Tahiri kohë më parë ka reaguar kundrejt Zyrës së Bashkimit Evropian në Kosovë e cila i ka bërë thirrje qeverisë në largim që ta pezullojë procesin e emërimit të noterëve të rinj, deri në krijimin e qeverisë së re.
Tahiri ka deklaruar se përkundër thirrjes së zyrës së BE-së në Kosovë, e cila ka kërkuar që ky proces të pezullohet, procesi i emërimit të noterëve është legjitim”, ka shkruar ai. /Telegrafi/
I welcome yesterday's clarification on TV by PDK president @KadriVeseliKS, not seeing why these nominations should be rushed now. It is not personal, not political, it is about concerns raised on professional level of notaries, who want #Kosovo to join this international family.
— Ambassador Christian Heldt (@GermanAmbKOS) October 17, 2019