Sigal Prishtina ka pësuar humbje në kuadër të ndeshjes së fundit në FIBA Europe Cup.
Prishtinasit nuk arritën të triumfonin para shikuesve të vetë në Pallatin e Rinisë dhe Sporteve kundër Demir Insaat Buyukcekmece me rezultat 84-66.
“Ne menduam që t’i japim më së shumti hapësirë lojtarëve vendor pasi u pa që e kishim të vështirë kundër Demirit. Ne duam që në këtë formë Kosova të fitojë ndonjë talent. Ne gjatë gjithë kohës ishim në dijeni të rezultatit së lojës së Belfiusit”, tha Ahmet Kandemir.
Ai më tutje zbuloi se pos Dardan Berishës dhe Drilon Hajrizit do të largohen edhe disa lojtarë prej ekipit kryeqytetas.
“Nga këtu do të largohen edhe më shumë lojtarë dhe nuk kam marrë vendim që të largohem prej klubit”, tha trajneri turk.
Pas kësaj, Sigal Prishtina eliminohet prej garave ndërkombëtare ndërsa Demiri dhe Belfiuis Mons kalojnë fazën e grupeve.
Ndryshe, prishtinasit janë të vetmit që nuk kanë pësuar humbje në IP Superligën e Kosovës në basketboll. /Telegrafi/